काठमाडौं । नेपाल प्रिमियर लिग (एनपीएल) को आधिकारिक स्मार्टफोन साझेदार भिभोले नेपालमा सातौं वर्ष पूरा गरेको छ ।
कम्पनीले वार्षिकोत्सवको अवसरमा ७ औँ सेल्स कार्निवल, ‘क्रिक कार्निवल’को सुरुवात गरेको छ । यो रोमाञ्चक कार्यक्रम ४ डिसेम्बरदेखि ३१ डिसेम्बर, २०२४ सम्म सञ्चालन हुनेछ ।
यसमा ग्राहकहरूले भिभो स्मार्टफोन खरिद गर्दा आकर्षक पुरस्कार र विशेष सुविधा पाउने छन् । क्रिक कार्निवल अन्तर्गत भिभोले ग्राहकहरूलाई केटीएम आरसी २०० बम्पर पुरस्कार जित्ने मौका दिनेछ ।
साथै, रोमाञ्चक पुरस्कारमा भिभो स्मार्टफोनहरू, टीडब्ल्यूएस इयरबड्सहरू, ६ महिना सम्मको विस्तारित वारेन्टी र थप सरप्राइजहरू समावेश छन् ।
भिभोले ७ भाग्यशाली भिभोे भी ७ प्रयोगकर्ताहरूका लागि विशेष एक्सचेन्ज अफर ल्याएको छ । यी ग्राहकहरूले आफ्नो भिभोे भी ७, भिभोे भी ४० सँग केवल ३१ हजार रुपैयाँमा एक्सचेन्ज गर्न पाउनेछन् ।
