काठमाडौं । सूनकाे मूल्यमा उच्च गिरावट आएको छ । सरकारले सुनको भन्सार दर २० प्रतिशतबाट १० प्रतिशतमा झारेसँगै मूल्यमा भारी गिरावट आएको हो ।
नेपाल सुनचाँदी महासंघका अनुसार सोमबार छापावाल सुनको मूल्य प्रतितोला १५ हजार ९०० रुपैयाँ घटेर १ लाख ५१ हजार ३०० रुपैयाँमा कारोबार भइरहेको छ ।
आइतबारको नेपाली बजारमा छापावाल सुन प्रतितोला १ लाख ६७ हजार २०० रुपैयाँमा कारोबार भएको थियो ।
त्यस्तै, आज चाँदीको मूल्य पनि प्रतितोला ११५ रुपैयाँले घटेको छ । आइतबार प्रतितोला १ हजार ९६० रुपैयाँमा कारोबार भएकोमा आज १ हजार ८४५ रुपैयाँमा झरेको छ ।
