काठमाडौं । सयपत्री हाइड्रोपावर कम्पनी लिमिटेडले हाल कायम चुक्ता पूँजीको शतप्रतिशत अर्थात् १:१ अनुपातमा हकप्रद सेयर निष्काशन गर्ने भएको छ ।
कम्पनी संचालक समितिको मंसिर २ गते बसेको बैठकले १०० प्रतिशत हकप्रद सेयर निष्काशन गर्ने निर्णय गरेको हो ।
कम्पनीले प्रतिकित्ता १०० रुपैयाँ दरले ३० करोड रुपैयाँ बराबरको ३० लाख कित्ता हकप्रद निष्काशन गर्न प्रस्ताव गरेको हो ।
प्रस्तावित हकप्रद सेयर विद्युत नियमन आयोगबाट सहमति लिई आगामी वार्षिक साधारण सभाले पारित गरेपछि प्रक्रिया अघि बढ्ने छ ।
हाल कम्पनीको चुक्ता पूँजी ३० करोड रुपैयाँ रहेको छ भने हकप्रद निष्काशनपछि ६० करोड रुपैयाँ पुग्नेछ ।
