काठमाडौं । समता घरेलु लघुवित्त वित्तीय संस्थाले थप सार्वजनिक निष्कासन (एफपीओ) गर्न अनुमति पाएको छ ।
नेपाल धितोपत्र बोर्डले लघुवित्तलाई ३ लाख ५० हजार ९०४ कित्ता एफपीओ जारी गर्न स्वीकृति दिएको हो ।
लघुवित्तले प्रतिकित्ता १०० रुपैयाँ दरले ३ करोड ५० लाख ९० हजार ४२५ रुपैयाँ बराबरको एफपीओ जारी गर्न अनुमति पाएको हो ।
लघुवित्तले संस्थापक र सर्वसाधरण सेयरधनीको सेयर अनुपात मिलाउनका लागि एफपीओ जारी गर्न लागेको हो ।
एफपीओ निष्कासन तथा बिक्री प्रवन्धकमा मुक्तिनाथ क्यापिटल रहेको छ ।
