काठमाडौं । नेपाल वेयरहाउजिङ कम्पनी लिमिटेडले शतप्रतिशत हकप्रद सेयर जारी गर्ने भएको छ ।
कम्पनी संचालक समितिको असोज १४ गते बसेको बैठकले हाल कायम चुक्ता पूँजीको १०० प्रतिशत हकप्रद सेयर निष्काशन गर्ने निर्णय गरेको हो ।
हाल कम्पनीको चुक्ता पूँजी ६८ करोड ७५ लाख रुपैयाँ छ । हकप्रद सेयर जारीपछि १ अर्ब ३७ करोड ५० लाख रुपैयाँ पुग्नेछ ।
प्रस्तावित हकप्रद कम्पनीको आगामी साधारण सभाले पारित र नेपाल धितोपत्र बोर्डको स्वीकृतिपछि जारी हुनेछ ।
