काठमाडौं । नेपाल आयल निगमले पेट्रोलियक पद्धार्थको भाउ घटाएको छ ।
निगमले सोमबार राति १२ बजेदेखि लागू हुने गरी पेट्रोलमा प्रतिलिटर १ रुपैयाँ, डिजेल र मट्टीतेलमा २ रुपैयाँ, हवाई इन्धनमा आन्तरिकमा ६ रुपैयाँ तथा बाह्यमा प्रतिहजार लिटरमा ४५ रुपैयाँ मूल्य घटाएको हो ।
एलपी ग्यासको मूल्य भारतबाट नेपाली ४१ रुपैयाँ बढेर आएकामा चाडपर्वलाई लक्षित गरी यथावत राखिएको निगमले जनाएको छ ।
मूल्य घटेसँगै अब काठमाडौं उपत्यकामा पेट्रोल प्रतिलिटर १५८ रुपैयाँ र डिजेल १४७ रुपैयाँ कायम भएको छ ।
इन्धनको मूल्य घटेसँगै चाडबाडको मुखमा उपभोक्ताले राहत महसुस गर्ने विश्वास गरिएको छ । साथै आयल निगमले पर्वका बेला इनधन आपूर्तिमा कुनै समस्या नहुने जनाएको छ ।
