काठमाडौं । नेपाल ल्युबले आर्थिक वर्ष २०८०/८१ को मुनाफबाट लाभांश घोषणा गरेको छ ।
कम्पनी संचालक समितिको भदौ २६ गते बसेको बैठकले सेयरधनीलाई २० प्रतिशत बोनस सेयर र करसहित ५ प्रतिशत नगद गरी कुल २५ प्रतिशत लाभांश दिने घोषणा गरेको हो ।
कम्पनीले उक्त लाभांश पारित गर्न असोज १८ गते ३३ औं वार्षिक साधरण बोलाएको छ । कम्पनीको सभा याक प्यालेस, पुल्चोक, ललितपुरमा बिहान साढे ११ बजे सुरु हुनेछ ।
त्यस्तै, कम्पनीले सभामा प्रिमियम मूल्यमा एफपीओ निष्काशन गर्ने प्रस्ताव लैजाने भएको छ ।
कम्पनीले साधरण सभा तथा लाभांश वितरण प्रयोजनार्थ असोज ४ गतेदेखि १८ गतेसम्म बुकक्लोज गर्ने भएको छ । सो अनुसार असोज २ गतेसम्म कायम रहने सेयरधनीले लाभांश पाउने छन् ।
