काठमाडौं । एनएलजी इन्स्योरेन्सको हकप्रद सेयर संशोधन भएको छ । कम्पनी संचालक समितिको भदौ २४ गते बसेको बैठकले यसअघि प्रस्तावित हकप्रद सेयर संशोधन गरेको हो ।
कम्पनीले अब हाल कायम चुक्ता पूँजीको ६२.५६ प्रतिशत हकप्रद सेयर जारी गर्ने भएको छ । यसअघि ६६ प्रतिशत हकप्रद सेयर प्रस्ताव गरेको थियो ।
हाल कम्पनीको चुक्ता पूँजी १ अर्ब ५३ करोड ९५ लाख ३५ हजार ९५८ रुपैयाँ रहेको छ भने हकप्रद निष्काशनपछि २ अर्ब ५० करोड २५ लाख १५ हजार ७०१ रुपैयाँ पुग्नेछ ।
प्रस्तावित हकप्रद नेपाल बीमा प्राधिकरणको स्वीकृति र कम्पनीको आगामी वार्षिक साधारण सभाले पारित गरेपछि जारी हुनेछ ।
