काठमाडौं । नेपाल स्टक एक्सचेन्ज (नेप्से)मा सूचीकृत दुई कम्पनीको संस्थापक सेयर लिलामीमा आएको छ । नेपाल इन्भेष्टमेन्ट मेगा बैंक र नेपाल इन्स्योरेन्सको संस्थापक सेयर आजदेखि लिलामीमा आएको हो ।
यी कम्पनीका विद्यमान संस्थापकहरूले आफ्नो नाममा रहेको सेयर लिलामीमार्फत बेच्न लागेका हुन् । दुई कम्पनीको झण्डै डेढ लाख कित्ता सेयर लिलामीमा आएको हो ।
इन्भेष्टमेन्ट मेगाको ८३ हजार ७६ कित्ता संस्थापक सेयर लिलामीमा आएको छ । कम्पनीको सेयरमा आजको ३५ दिन भित्र आवेदन दिनुपर्नेछ ।
हाललाई बैंकको लिलामी सेयरमा विद्यमान संस्थापक सेयरधनीमा मात्र आवेदन दिन पाउने छन् । लगानीकर्ताले सेयर शाखा लाजिम्पाटमा आवेदन दिनुपर्नेछ ।
त्यसैगरी, नेपाल इन्स्योरेन्सको ६६ हजार ५६६ कित्ता संस्थापक सेयर लिलामीमा आएको छ । कम्पनीको सेयर मूल्य न्यूनतम ३०० रुपैयाँ नघटाई असोज २ गतेसम्म आवेदन दिन सकिनेछ ।
लगानीकर्ताले न्यूनतम १ हजार देखि अधिकतम सबै कित्ताका लागि आवेदन दिन सक्नेछन् । नेपालको सेयर बिक्री प्रबन्धक एनआइएमबी एस क्यापिटल, लाजिम्पाट काठमाडौं पुग्नेगरी आवेदन पेश गर्नुपर्नेछ ।
