काठमाडौं । सेयर बजारले कमब्याक गरेको छ । आइतबार एकैदिन ३४ अंकले घटेको नेप्सेमा आज २ अंकको झिनो वृद्धि भएको हो ।
सूचकमा झिनो सुधार आए पनि आज कारोबार रकममा भने भारी गिरावट आएको छ । अघिल्लो दिनको तुलनामा कारोबार रकम ९ अर्ब ९३ करोड रुपैयाँले घटेर १८ अर्ब ९० करोड रुपैयाँमा सीमित भएको छ ।
बुधबार नेप्से परिसूचक २.११ अंकले बढेर २९६८.४४ बिन्दुमा पुगेको छ । आज ३३७ कम्पनीको ४ करोड १४ लाख ५४ हजार ६११ कित्ता सेयर किनबेच भएको छ ।
कारोबारमा आएका १३ मध्ये ८ समूहको परिसूचक घटेको छ भने ५ समूहको बढेको छ । फाइनान्स समूहको परिसूचक सर्वाधिक ४.९९ प्रतिशतले बढेको छ भने व्यापार समूहको २.०९ प्रतिशतले घटेको छ ।
आज हिमालयन रि इन्स्योरेन्सको सर्वाधिक ६६ करोड २ लाख रुपैयाँ बढीको सेयर किनबेच भएको छ । त्यस्तै, अपि पावरकोे ४५ करोड ७८ लाख रुपैयाँको सेयर कारोबार भएको छ ।
आज कारोबारमा आएका कम्पनीमध्ये १०० कम्पनीको मूल्य बढेको छ भने १४० कम्पनीको घटेको छ ।
झिनो अंकले बढेको बजारमा आज ५ कम्पनीको सेयर मूल्यमा पोजेटिभ सर्किट लागेको छ । कर्पोरेट डेभलपमेन्ट बैंक, सिन्धु विकास बैंक, रिलायन्स फाइनान्स, दोल्ती पावर र मल्टीपर्पस फाइनान्सको सेयर मूल्य १० प्रतिशतले बढेको छ ।
आज कर्णाली डेभलपमेन्ट बैंकका सेयरधनीले भने सर्वाधिक १० प्रतिशत गुमाएका छन् ।
