काठमाडौं । विशाल ग्रुपले आफ्नो स्वामित्वमा रहेको नेपाल पुनर्बीमा कम्पनीको सेयर लिलामीमा ल्याएको छ । कम्पनीले आजदेखि आफ्नो नाममा रहेको ७ लाख कित्ता संस्थापक सेयर बिक्रीमा ल्याएको हो ।
यस लिलामी सेयरमा कम्पनीका विद्यमान संस्थापक सेयरधनीले आवेदन दिन सक्नेछन् । इच्छुक लगानीकर्ताले गोप्य शिलबन्दीमार्फत आवेदन दिनुपर्नेछ ।
लगानीकर्ताले न्यूनतम १ लाख कित्तादेखि अधिकतम सबै कित्ताका लागि आवेदन दिनुपर्नेछ । आवेदकले प्रतिकित्ता सेयर मूल्य न्यूनतम ४५० रुपैयाँ नघटाइ बोलपत्र पेश गर्नुपर्नेछ ।
लगानीकर्ताले असोज ८ गतेसम्म आवेदन दिन सक्नेछन् । आवेदकले बिक्री प्रबन्धक एनआइसी एसिया क्यापिटल, थापाथली काठमाडौंमा पुग्ने गरी आवेदन बुझाउनुपर्नेछ ।
