काठमाडौं । कम्बोडियाले नेपालमा पर्यटक र व्यापार भिसा सेवा सुरू गरेको छ ।
कूटनीतिक र आर्थिक सम्बन्ध सुदृढ पार्ने उद्देश्यले नेपालमा रहेको कम्बोडियाको मानार्थ वाणिज्य दूतावासले नेपाली नागरिकका लागि भिसा सेवा सुरू गर्ने घोषणा गरेको हो ।
नेपालमा भिसा सेवा सुरू भएसँगै दुई राष्ट्रहरू बीचको घनिष्ठ सहयोगलाई बढावा दिने विश्वास छ । नेपालका लागि कम्बोडियाका अवैतनिक वाणिज्यदूत क्याबिनेट श्रेष्ठले यस पहलले द्विपक्षीय सम्बन्ध विस्तार गर्न महत्वपूर्ण भमिका खेल्ने बताए ।
‘नेपाल र कम्बोडिया बीचको बलियो सम्बन्धलाई सुदृढ गर्दै नेपाली नागरिकका लागि भिसा सेवा सुरू गर्न पाउँदा हामी खुसी छौं। यो पहलले द्विपक्षीय सम्बन्ध विस्तार गर्न र हाम्रा दुवै जनताका लागि सहज यात्रा सहज बनाउने हाम्रो प्रतिबद्धता झल्काउँछ। हामी यस नयाँ सेवा मार्फत थप सहयोग र समझदारी बढाउन तत्पर छौं,’ उनले भने ।
मानार्थ वाणिज्य दूतावासले कम्बोडिया र नेपाली दुवै नागरिकलाई सहयोग गर्न, सांस्कृतिक आदानप्रदान प्रवर्द्धन गर्न र व्यापार र लगानीलाई सहजीकरण गर्न समर्पित रहेको छ।
पर्यटक भिसा (टी) एकल प्रवेशका ३० अमेरिकी डलर, ६ डलर प्रशासनिक शुल्क लाग्नेछ । भिसाको वैधता ३ महिनाको रहने छ ।
त्यस्तै, व्यापार भिसा (ई) एकल प्रवेशको शुलक ३५ अमेरिकी डलर, ७ डलर प्रशासनिक शुल्क रहेको छ । यसको वैधता ३ महिना रहने छ ।
