काठमाडौं । नेपालका लागि ओमोडाको आधिकारिक वितरक एसपीजी अटोमोबाइल्सले ३ हजार विरुवा रोपेको छ ।
कम्पनीले टी-२० विश्वकप क्रिकेट २०२४ को अवसरमा ल्याएको ‘नेपाल स्कोर्स, ओमोडा ग्रोज’ नामक सामाजिक तथा वातावरणीय उत्तरदायित्व योजना (सीएसआर) अन्तर्गत देशका दुई वनमा ३ हजार वटा विरुवा वृक्षारोपण गरेको हो ।
कम्पनीले दक्षिणकाली नगरपालिकाको डोल्लु समुदायको सहकार्यमा डोल्लु सामुदायिक वनमा १ हजार ५०० विरुवा रोपेको छ । त्यस्तै, इलाममा ‘रेड पान्डा नेटवर्क’सँगको सहकार्यमा रेड पान्डाको आरक्षणका लागि थप १५०० विरुवा रोपेको हो ।
वृक्षरोपन कार्यक्रममा देशभरका विद्युतीय गाडी ओमोडाका चालक, पारखी तथा ग्राहकहरूको सहभागीता थियो ।
वातावरण संरक्षण तथा प्रवर्द्धन गर्ने ओमोडाको दिगो लक्ष्यमा आधारित यो पहलद्वारा विद्युतीय सवारीको प्रवर्द्धन हुनुका साथै हरियाली बढाउन सहयोग पुग्ने कम्पनीले जनाएको छ । यो अभियान दिगो भविष्यप्रति ओमोडाको प्रतिबद्धताको एउटा महत्वपूर्ण कदम रहेको कम्पनीको भनाइ छ ।
