काठमाडौं । शुक्रबार विश्वका धेरै देशमा सूचना प्रविधि (आइटी) क्षेत्रमा अचानक समस्या देखिएको छ ।
अमेरिका, युरोपेली देशहरू र अस्ट्रेलियाको आइटी क्षेत्रमा समस्या देखिएको हो । माइक्रोसफ्ट सफटवेयर अवरुद्ध हुँदा समस्या आएको बताइएको छ । माइक्रोसफ्टले समस्याको सम्बोधनका लागि पहल भइरहेको जनाएको छ ।
आइटी समस्यका कारण विश्वका केही विमानस्थलको हवाई सेवा प्रभावित भएको सीएनएनले जनाएको छ । वेलायतको लन्डन, नेदरल्यान्डसको आर्मस्टर्डम, जर्मनीको बर्लिन ब्रान्डेनवर्ग,स्कटल्यान्ड, अस्ट्रेलिया, जर्मनीलगायत मुलुकमा हवाई सेवामा अवरोध भएको छ । बेलायतका रेल कम्पनी पनि प्रभावित भएको छ ।
त्यस्तै, अमेरिकामा डेल्टा, युनाइटेड र अमेरिकन एयरलाइन्सका विमान पनि शुक्रबार बिहान सञ्चार सम्बन्धी मुद्दालाई लिएर ग्राउन्डेड गरिएका छन् ।
त्यसैगरी, अष्ट्रेलियामा आईटी सम्बन्धी अवरोधका कारण बैंक तथा विमान कम्पनीको सेवा अवरुद्ध भएका थिए ।
