काठमाडौं । थानकोट-चन्द्रागिरि-चित्लाङ सडकखण्ड आगामी साउन २० गतेसम्म बन्द हुने भएको छ ।
हाल उक्त सडक मर्मतको क्रममा रहेकाले बिहान १० बजेदेखि अपराह्न ५ बजेसम्म बन्द गरिने भएको हो ।
वर्षायाममा सडक मर्मतको काम भइरहेकाले सवारीसाधन संचालन गर्दा जोखिम बढ्ने भएकाले सडक बन्द गरिएको सडक डिभिजन काठमाडौंले जनाएको छ ।
डिभिजनका अनुसार चन्द्रागिरि-चित्लाङ सडकखण्डको सेतो पहरो क्षेत्रमा उच्च ग्रेड कम गर्न ‘ग्रेड डाउन’ गर्ने काम भइरहेको छ । त्यस्तै, चौडाइ कम भएको ठाउँमा ‘ब्याक कटिङ’ को काम भइरहेको डिभिजनले जनाएको छ ।
