काठमाडौं । आज (आइतबार)देखि ३ कम्पनीको संस्थापक सेयर लिलामीमा आएको छ ।कुमारी बैंक, समता घरेलु लघुवित्त वित्ती संस्था र सिटिजन्स बैंक इन्टरनेशनलको संस्थापक सेयर लिलामीमा आएको हो ।
यी कम्पनीका विद्यमान संस्थापकहरूले आफ्नो नाममा रहेको सेयर लिलामीमार्फत बेच्न लागेका हुन् । ३ कम्पनीको कुल १ लाख ५७ हजार ५६८ कित्ता सेयर लिलामीमा आएको हो ।
कुमारी बैंकको ८८ हजार २०९ हजार कित्ता संस्थापक सेयर लिलामीमा आएको छ । बैंकको सेयरमा विद्यमान संस्थापक सेयरधनीमा मात्र आवेदन दिन पाउने छन् ।
इच्छुक लगानीकर्ताले आजको ३५ दिन भित्र बैंकको केन्द्रीय कार्यालय टंगाल, काठमाडौंमा आवेदन बुझाउनुपर्नेछ ।
त्यसैगरी, समता घरेलु लघुवित्तको ६४ हजार ९१९ कित्ता सेंस्थापक सेयर लिलामीमा आएको छ । लघुवित्तको सेयरमा आजको ३५ दिन भित्र आवेदन दिनुपर्नेछ । लघुवित्तको केन्द्रीय कार्यालय बनेपा, काभ्रेपलाञ्चोकमा आवेदन बुझाउनुपर्नेछ ।
त्यसैगरी, सिटिजन्स बैंकको ४ हजार ४४०.८७ कित्ता संस्थापक सेयर लिलामीमा आएको हो । इच्छुक लगानीकर्ताले न्यूनतम १०३ रुपैयाँ मूल्य नघटाइ आवेदन दिनुपर्नेछ । बैंकको केन्द्रीय कार्यालय, नारायणहिटी, काठमाडौंमा ३५ दिन भित्र आवेदन बुझाउनुपर्नेछ ।
तोकिएको मिति भित्र हालका संस्थापक सेयरधनीहरूले आवेदन नदिए त्यसपछि सर्वसाधरणका लागि बिक्री खुला गरिनेछ ।
