काठमाडौं । सरकारले आगामी आर्थिक वर्ष २०८१/८२ का लागि धानको समर्थन मूल्य तोकेको छ । बिहीबारबसेको मन्त्रिपरिषद् बैठकले धानको समर्थन मूल्य तोकेको हो ।
सूचना तथा सञ्चार मन्त्री रेखा शर्माका अनुसार सरकारले मोटा धानको समर्थन मूल्य प्रतिक्विन्टल ३ हजार ४१०.५१ रुपैयाँ र मध्यम धान प्रतिक्विन्टल ३ हजार ५८०.६२ रुपैयाँ तोकेको छ ।
चालु वर्षको तुलनामा सरकारले मोटा धानको समर्थन मूल्य प्रतिक्विन्टल २१२ रुपैयाँ र मध्यम धानको प्रतिक्विन्टल २१८ रुपैयाँ बढाएको हो ।
चालु आवका लागि सरकारले मोटा धानको समर्थन मूल्य प्रतिक्विन्टल ३ हजार १९८ रुपैयाँ र मध्यम धानको प्रतिक्विन्टल ३ हजार ३६२ प्रतिक्विन्टल तोकेको थियो ।
सरकारले तोकेको मूल्यअनुसार खाद्य व्यवस्था तथा व्यापार कम्पनीले विभिन्न जिल्लामा धान खरिद गर्ने गरेको छ ।
प्रधानमन्त्री कृषि आधुनिकीकरण परियोजनामार्फत कृषि सहकारीका लागि तोकिएको न्यूनतम समर्थन मूल्यमा धान खरिदका लागि छुट्टै सूचना जारी गरिने मन्त्रालयले जनाएको छ ।
