काठमाडौं । काठमाडौं महानगरपालिका भित्र कम्तीमा २० जनालाई प्रत्यक्ष रोजगारी दिने गरी दर्ता हुने नयाँ उद्योग/व्यवसायले ३ वर्षसम्म कर छुट पाउने भएका छन् ।
काठमाडौं महानगरका मेयर बालेन साहले शुक्रबार आगामी आव २०८१/८२ को नीति तथा कार्यक्रम प्रस्तुत गर्दै यस्तो घोषणा गरेका हुन् ।
उनले नयाँ दर्ता हुने व्यवसायीको हकमा यो नीति ल्याइएको उनले जानकारी दिए । उनका अनुसार महानगर भित्र कम्तीमा २० जनालाई रोजगारी दिने गरी दर्ता हुने नयाँ उद्योगले ३ वर्षसम्म व्यवसाय करमा शतप्रतिशत छुट पाउने छन् ।
यस्तै, महानगरबाट कार्यान्वयन हुने विकास निर्माणका काममा कम्तीमा ३० प्रतिशत जनशक्ति महानगरको श्रम बैंकबाट आपूर्ति गरिने उनले बताए ।
