काठमाडौं । सेयर बजारमा कमब्याक भएको छ । गत बुधबारदेखि लगातार ओरोलो लागेको नेप्से आज झण्डै ९ अंकले फर्केको हो ।
सोमबार नेप्से परिसूचक ८.९० अंकले बढेर २०८२.०९ बिन्दुमा पुगेको छ । सूचकसँगै कारोबार रकममा पनि बढोत्तरी भएको छ । अघिल्लो दिनको तुलनामा कारोबार रकम ३१ करोड रुपैयाँ बढेर ५ अर्ब ४९ करोड रुपैयाँ पुगेको छ ।
आज ३१४ कम्पनीको १ करोड १६ लाख ३४ हजार ६१८ कित्ता सेयर किनबेच भएको छ ।
कारोबारमा आएका १३ वटा उपसमूहमध्ये ७ समूहको परिसूचक बढेको छ भने ६ को घटेको छ । आज हाइड्रोपावर उपसमूहको परिसूचक सर्वाधिक २ प्रतिशतले बढेको छ भने म्युचुअल फण्डको परिसूचक ३.७४ प्रतिशतले घटेको छ ।
आज एनआरएन इन्फ्रास्ट्रक्चर कम्पनीको सर्वाधिक कारोबार भएको छ । यसको ४१ करोड ८७ लाख रुपैयाँको ६ लाख २७ हजार ६७६ कित्ता सेयर किनबेच भएको छ ।
कारोबारमा आएका मध्ये १७६ कम्पनीको सेयर मूल्य बढेको छ भने ६१ कम्पनीको घटेको छ ।
बढ्दो बजारमा आज ३ कम्पनीको सेयर मूल्यमा पोजेटिभ सर्किट लागेको छ । कुथेली बुखरी स्मल हाइड्रोपावर, त्रिशूली जलविद्युत् र पिपुल्स पावरको सेयर मूल्य १० प्रतिशत बढेको छ ।
आज जानकी फाइनान्सका सेयरधनीले भने सर्वाधिक ८.६७ प्रतिशत गुमाएका छन् ।
