काठमाडौं । प्राइम कमर्शियल बैंकको झण्डै साढे १२ लाख कित्ता संस्थापक (प्रमोटर) सेयर बिक्रीमा आएको छ ।बैंकले आजदेखि १२ लाख ४१ हजार ११ कित्ता संस्थापक सेयर लिलामीमा ल्याएको हो ।
उक्त सेयरमा बैंकका विद्यमान संस्थापक सेयरधनी, इच्छुक संस्था वा व्यक्ति जो कोहीले पनि दिन सक्नेछन्। लगानीकर्ताले आफूले लिन चाहेको सेयर संख्या र मूल्य स्पष्ट खुलाई गोप्य शिलबन्दी मार्फत आवेदन दिनु पर्नेछ ।
लगानीकर्ताले न्यूनतम २ लाख कित्ताका लागि आवेदन दिनुपर्नेछ । यस्तै, सेयरको भाउ न्यूनतम ११५ रुपैयाँभन्दा घटाउन पाइने छैन् ।
बैंकको सेयर खरिद गर्न इच्छुक लगानीकर्ताले जेठ ३१ गतेभित्र बिक्री प्रबन्धक नेपाल एसबीआइ मर्चेन्ट बैंकिङको कार्यालय, ठमेल, काठमाडौंमा आवेदन दिनुपर्नेछ ।
