काठमाडौं । सेयर बजारमा दोहोरो अंकको कमब्याक भएको छ । गत साता झण्डै ६२ अंकले घटेको नेप्से यस साता पहिलो दिनमै दोहोरो अंकले बढेको हो ।
आइतबार नेप्से परिसूचक १३.५१ अंकले बढेर २०८३.०४ बिन्दुमा पुगेको छ । आज ३२५ कम्पनीको ४ अर्ब ३१ करोड रुपैयाँ बराबरको ९६ लाख ९७ हजार २०६ कित्ता सेयर किनबेच भएको छ ।
कारोबारमा आएका १३ वटा उपसमूहमध्ये १० उपसमूहको परिसूचक बढेकोे छ भने ३ उपसमूहको परिसूचक घटेको छ ।
व्यापार उपसमूहको परिसूचक सर्वाधिक ६.५६ प्रतिशतले बढेको छ भने उत्पादनमूलक उपसमूह २.४० प्रतिशतले घटेको छ ।
आज नेपाल फाइनान्सको सर्वाधिक कारोबार भएको छ । यसको २२ करोड ६४ लाख रुपैयाँको ३ लाख ८२ हजार ३५ कित्ता सेयर किनबेच भएको छ ।
कारोबारमा आएका मध्ये १७४ कम्पनीको मात्र सेयर मूल्य बढेको छ भने ६१ कम्पनीको घटेको छ ।
बढ्दो बजारमा दुई कम्पनीको मूल्यमा पोजेटिभ सर्किट लागेको छ । मल्टिपर्पस फाइनान्स र मकर जितुमाया सुरी हाइड्रोपावरको सेयर मूल्य १० प्रतिशतले बढेको छ ।
नारायणी विकास बैंकका सेयरधनीले सर्वाधिक ९.१३ प्रतिशत गुमाएका छन् ।
