काठमाडौं । प्रभु बैंक लिमिटेड इन्फोसिस फिनाकल इनोभेसन अवार्ड २०२४ बाट सम्मानित भएको छ ।
बैंकले डिजिटल इन्जेजमेन्ट इनोभेसन विधाको गोल्ड अवार्ड पाएको हो । इन्फोसिस फिनाकल इनोभेसन अवार्ड बैंकिङ टेक्नोलोजी क्षेत्रको एक प्रतिष्ठित अन्तर्राष्ट्रिय पुरस्कार हो ।
बैंकले डिजिटल इकोसिष्टमलाई अपग्रेड गर्दै ग्राहकको सुविधा र सुरक्षालाई ध्यान राखेर सेवा प्रदान गरेको आधारमा इन्फोसिस फिनाकल इनोभेसन अवार्ड प्राप्त गरेको हो ।
उक्त अवार्डका लागि १० विधामा २०० भन्दा बढी बैंक मनोनयनमा परेका थिए । प्रभु बैंक हालै ‘बैंक अफ दी इयर २०२३’ को उपाधिबाट सम्मानित भएको थियाे ।
बैंकले देशभरका ३०२ शाखा कार्यालयहरू, २८५ एटीएम साथै ७० एक्सटेन्सन काउन्टर मार्फत करिब ३१ लाखभन्दा बढी ग्राहकलाई अत्याधुनिक बैंकिङ सेवा उपलब्ध गराउँदै आएको छ ।
