काठमाडौं । दोस्रोपल्ट अर्थमन्त्री बन्दा बजेट पेश गर्न पाएपछि अर्थमन्त्री वर्षमान पुनले ‘रिल्याक्स मुड’मा रहेको बताएका छन् ।
तयारीको सिलसिलामा धेरै हतार रहेको र राजनीतिक दबाबका बीच बजेट ल्याएको भन्दै पुनले आफू रिल्याक्स मुडमा रहेको बताए ।
‘राजनीतिक रुपमा संसदमा बजेट पेश हुन्छ कि हुँदैन भन्ने थियो,’ पुनले भने, ’अहिले रिल्याक्स मुडमा छौं ।’ मंगलबार बिहान ४ बजे सम्म मन्त्रालयमै रहेर बजेटको काम गरेको दाबी गर्दै उनले भने, ‘बिहान ४ बजेसम्म मन्त्रालयमै थिएँ । अर्थसचिव त म्याट्रेस लिएर आउनु भएको रहेछ, यतै सुत्नु भयो । राजस्व सचिव ४ बजे घर जानु भयो ।’
पुन यसअघि अर्थ मन्त्री बनेका बेला बजेट प्रस्तुत गर्न पाएका थिएनन् । यसपल्ट पनि बजेट पेश गर्न पाउने भन्नेमा संकोच थियो ।
