काठमाडौं । नारायणगढ-मुग्लिन सडक खण्डको तुइन खोला पुल नजिकै झरेको पहिरोमा पुरिएर एक्सकाभेटर अपरेटरको मृत्यु भएको छ।
इच्छाकामना-५ मा पर्ने सडक छेउमा नाला खन्ने क्रममा माथिबाट झरेको ढुंगासहितको पहिरोमा पुरिएर बर्दिया घर भएका अन्दाजी ३२ वर्षीय अपरेटर मंगल चौधरीको उपचारको क्रममा मृत्यु भएको हो ।
गम्भीर घाइते चौधरीलाई उपचारका लागि भरतपुरस्थित पुरानो मेडिकल कलेजमा लगिएको थियो ।
पहिरोमा पुरिएर एक्सकाभेटर पूर्ण रुपमा क्षति भएको छ भने ना ५ ख १५११ नम्बरको ट्रकमा पनि क्षति पुगेको छ ।
