काठमाडौं । सरकारले १६ औं पञ्चवर्षीय योजना पारित गरेको छ । मंगलबार बसेको मन्त्रिपरिषद्को बैठकले १६ औं पञ्चवर्षीय योजना पारित गर्ने निर्णय गरेको हो ।
राष्ट्रिय योजना आयोगबाट तयार भएको विभिन्न चरणमा छलफलपछि मन्त्रिपरिषद्ले पारित गरेको हो ।
सञ्चार तथा सूचना प्रविधिमन्त्री एवं सरकारका प्रवक्ता रेखा शर्माले मन्त्रिपरिषद्ले १६ औं पञ्चवर्षीय योजना पारित गर्ने निर्णय गरेको जानकारी दिइन् । उनले १६ औं योजनामा समेटिएका कार्यक्रमहरु चरणबद्ध रुपमा कार्यान्वयन गरिने उनले बताइन् ।
त्यस्तै, मन्त्रिपरिषद्ले राष्ट्रपति रामचन्द्र पौडेलले संघीय संसदको संयुक्त बैठकमा प्रस्तुत गर्ने आगामी आर्थिक वर्ष २०८१र०८२ को नीति तथा कार्यक्रम पनि पारित गरेको छ ।
सरकारको तर्फबाट आज ३ बजे राष्ट्रपति पौडेलले संघीय संसदको संयुक्त बैठकमा सरकारको आगमी वर्षको नीति तथा कार्यक्रम प्रस्तुत गर्ने कार्यक्रम छ ।
