काठमाडौं । सरकारले राजश्व अनुसन्धान विभागको महानिर्देशकको जिम्मेवारी चक्रबहादुर बुढालाई दिएको छ।
यसअघिका महानिर्देशक नवराज ढुंगानालाई सरुवा गर्दै उनको ठाउँमा बुढालाई ल्याइएको हो । बुढा यसअघि पर्यटन विभागका महानिर्देशक थिए।
यसअघिका महानिर्देशक ढुंगानालाई प्रधानमन्त्री तथा मन्त्रीपरिषद्को कार्यालयमा सरूवा गरिएको छ । ढुंगाना गत असारमा विभागको महानिर्देशक बनेका थिए ।
कानुन नै नबुझी अमेरिकन कम्पनी कोटिभिटी विरुद्ध करछलीको मुद्दा चलाएको भन्दै ढुंगानाको चौतर्फी आलोचना भएको थियो । सो विषयमा प्रधानमन्त्री र अर्थमन्त्रीले समेत चासो राखेका थिए ।
