काठमाडौं । सपोर्ट लघुवित्त वित्तीय संस्थाको खुद नाफामा उछाल आएको छ । लघुवित्तले बुधबार सार्वजनिक गरेको चालु आर्थिक वर्ष २०८०/८१ को तेस्रोे त्रैमासको अपरिष्कृत वित्तीय विवरण अनुसार खुद नाफा ९४.९१ प्रतिशतले बढेको हो ।
लघुवित्तले चालु आवको चैत मसान्तसम्ममा १ करोड २३ लाख रुपैयाँ कमाएको छ । यो गत वर्षको सोही अवधिको तुलनामा ६० लाख रुपैयाँ धेरै हो । लघुवित्तले गत वर्षको चैतसम्म ६३ लाख ३१ हजार रुपैयाँ नाफा कमाएको थियो ।
समीक्षा अवधिमा लघुवित्तको खुद ब्याज आम्दानी, सञ्चालन नाफा बढ्दा र खराब कर्जा घट्दा नाफामा छलाङ मारेको हो ।
समीक्षा अवधिमा लघुवित्तको खुद ब्याज आम्दानी ८.७८ प्रतिशतले बढेर ४ करोड ९१ लाख रुपैयाँ पुगेको छ । त्यस्तै, संचालन मुनाफा १२०ं९३ प्रतिशतले बढेर १ करोड ३३ लाख रुपैयाँ पुगेको छ ।
समीक्षा अवधिमा लघुवित्तले ३३ करोड ९१ लाख रुपैयाँ निक्षेप र १ अर्ब २७ करोड रुपैयाँ सापटी लिई कुल १ अर्ब ७३ करोड रुपैयाँ ऋण लगानी गरेको छ ।
हाल ९ करोड ५२ लाख रुपैयाँ चुक्ता पूँजी रहेको लघुवित्तको जगेडा कोषमा ५ करोड ७९ लाख रुपैयाँ संचित छ ।
समीक्षा अवधिमा लघुवित्तको प्रतिसेयर आम्दानी दोब्बरले बढेर १७.२८ रुपैयाँ, प्रतिसेयर नेटवर्थ १६०.८ रुपैयाँ रहेको छ । यस अवधिमा लघुवित्तको खराब कर्जा ३.२५ प्रतिशतबाट घटेर १.४७ प्रतिशतमा झरेको छ ।
