काठमाडौं । सेयर बजारले नयाँ वर्ष २०८१ साललाई रातो झण्डा देखाएको छ । यस वर्षको पहिलो कारोबार दिन आइतबार नेप्से परिसूचक २ अंकले घटेको हो ।
आज नेप्से परिसूचक २.३५ अंकले घटेर २०२३.३५ बिन्दुमा आइपुगेको छ । यसदिन ३२० कम्पनीको ३ अर्ब ६ करोड रुपैयाँ बढीको ७७ लाख ९५ हजार ३३ कित्ता सेयर किनबेच भएको छ ।
आज कारोबारमा आएका १३ वटा उपसमूह मध्ये ४ समूहको परिसूचक बढेको छ भने ९ को घटेको छ । लघुवित्त समूहकाे परिसूचक सर्वाधिक १.९१ प्रतिशतले बढेको छ भने निर्जीवन बीमा समूह १.०३ प्रतिशतले घटेको छ ।
आज सानिमा माई हाइड्रोपावरको सर्वाधिक कारोबार भएको छ । यसको २१ करोड ४७ लाख रुपैयाँ बराबरको ६ लाख ४० हजार ८७० कित्ता सेयर किनबेच भएको छ ।
घट्दो बजारमा आज श्रृजनशील लघुवित्तको सेयर मूल्यमा भने पोजेटिभ सर्किट लागेको छ । यसका सेयरधनीले ठ्याक्कै १० प्रतिशत कमाएका छन् ।
