काठमाडौं । नेपाल स्टक एक्सचेन्ज (नेप्से)मा सूचीकृत अधिकांश कम्पनीले गत आर्थिक वर्ष २०७९/८० को मुनाफाबाट लाभांश घोषणा गरिसकेका छन् ।
लाभांश घोषणा गरेकामध्ये पनि धेरै जसो कम्पनीले साधरणसभा सम्पन्न गरी लाभांश प्रस्ताव पारित गरिसकेका छन् । नयाँ आर्थिक वर्ष लागेको ६ महिना भित्र गत वर्षको वार्षिक साधरण सभा गर्नुपर्ने कानुनी व्यवस्था छ । सो अनुसार सूचीकृत डेढ सय बढी कम्पनीले पुस मसान्त भित्रै सभा सम्पन्न गरेका थिए । बाँकी कम्पनीले पनि अहिले धमाधम साधरण सभा गरिरहेका छन् ।
तर, ४ कम्पनीले भने अझै साधरण सभा तथा लाभांश प्रयोजनका लागि बुकक्लोज गरेका छैनन् । तसर्थ ती कम्पनीको सेयर किन्दा अझै लाभांश पाइन्छ ।
लाभांश घोषणा गरेर पनि हालसम्म प्रभु इन्स्योरेन्स, सन नेपाल लाइफ इन्स्योरेन्स, सूर्यज्योति लाइफ इन्स्योरेन्स र सूर्यादय वोमी लघुवित्तको बुकक्लोज भएको छैन ।
गत वर्षको नाफाबाट प्रभु इन्स्योरेन्सले ५ प्रतिशत (४.७५) सेयर र ०.२५) नगद), सन नेपालले २५.०५ प्रतिशत (२३.८) सेयर र १.२५) नगद), सूर्योदय वोमी लघुवित्तले १४.०७७ प्रतिशत बोनस सेयर र सूर्यज्योति लाइफले ३५ प्रतिशत (१०.२६ बोनस र २४.७४ नगद) लाभांश प्रस्ताव गरेका छन् ।
चारै कम्पनीले हालसम्म साधरण सभाका प्रयोजनाका लागि बुकक्लोज तोकेको छैनन् । तसर्थ, अझै सेयर किन्दा यी ४ कम्पनीको लाभांश पाइन्छ ।
