काठमाडौं । नेपाल इन्फ्रास्ट्रक्चर बैंक (निफ्रा)को संस्थापक समूहको (प्रमोटर) सेयर आजदेखि लिलामीमा आएको छ । बैंकका विद्यमान संस्थापक सेयरधनी बोधप्रसाद त्रिपाठीको नाममा रहेको ६ लाख कित्ता सेयर लिलामी मार्फत बिक्री गर्न लागेका हुन्।
इच्छुक लगानीकर्ताले आफूले किन्न चाहेको मूल्य र कित्ता स्पष्ट खुलाई गोप्य शिलबन्दी मार्फत आवेदन दिनु पर्नेछ ।
लिलामी सेयरमा विद्यमान संस्थापक सेयरधनीले मात्र आवेदन दिन पाउने छन् । सो अवधिमा कुनै पनि संस्थापकबाट आवेदन नपरेमा भने सर्वसाधारणले समेत किन्न सक्ने गरी बिक्री खुला गरिने बैंकले जनाएको छ ।
इच्छुक संस्थापकले आजको ३५ दिन भित्र सानिका बैंकको रजिस्टर्ड कार्यालय, नयाँबानेश्वर, काठमाडौंमा आवेदन दिन सक्नेछन् ।
