काठमाडौं । नेपाल स्टक एक्सचेन्ज (नेप्स)मा दुई कम्पनीको सेयर सूचीकृत भएको छ । बिहीबार नेप्सेमा घलेम्दी हाइड्रोपावरको हकप्रद सेयर र मितेरी डेभलपमेन्ट बैंकको बोनस सेयर सूचीकृत भएको हो ।
घलेम्दीले यसअघि जारी गरेको २०० प्रतिशत हकप्रद सेयर बापतको १ करोड १० लाख कित्ता सेयर सूचीकृत गरेको हो ।
त्यस्तै, मितेरी डेभलपमेन्ट बैंकले गत आर्थिक वर्ष २०७९/८० को मुनाफाबाट वितरण गरेको ९.५ प्रतिशत बोनस अर्थात् ९ लाख ६४ हजार २५१.३६५ कित्ता बोनस सेयर सूचीकृत भएको हो ।
नेप्सेमा सूचीकृत दुवैै कम्पनीको सेयर सम्बन्धित सेयरधनीको डिम्याट खातामा जम्मा भएपछि मात्र दोस्रो बजारमा खरिदबिक्री गर्न सक्नेछन् ।
