काठमाडौं । सेयर बजारमा उच्च अंकको गिरावट आएको छ । बुधबार २१ अंकले घटेको नेप्से आज ३१ अंकले घटेको हो । यससाता सुरुको ३ दिनमा ३५ अंकले बढेको नेप्से पछिल्ला दुई दिनमै ५२ अंकले घटेको हो ।
सूचकसँगै आज कारोबार रकममा पनि गिरावट आएको छ । अघिल्लो दिनको तुलनामा कारोबार रकम १ अर्ब ११ करोड रुपैयाँले घटेर ४ अर्ब १८ करोड रुपैयाँमा सीमित भएको छ ।
बिहीबार नेप्से परिसूचक ३०.९१ अंकले घटेर २०६७.०१ विन्दुमा आइपुगेको छ । यस दिन ३०९ कम्पनीको १ करोड १५ लाख १४ हजार ५७१ कित्ता सेयर बिनबेच भएको छ ।
आज कारोबारमा आएका १३ वटा उपसमूहमध्ये फाइनान्स बाहेक अरु सबैको परिसूचक घटेको छ । हाइड्रोपावर समूहको परिसूचक सर्वाधिक २.३५ प्रतिशतले घटेकोे छ ।
आज पनि हिमालयन रि–इन्स्योरेन्सको सर्वाधिक कारोबार भएको छ । यसको ५४ करोड १ लाख रुपैयाँको ७ लाख ६९ हजार ७९९ कित्ता सेयर किनबेच भएको छ ।
दोहोरो अंकले घटेको बजारमा आज सामलिङ पावरको सेयरधनीले सर्वाधिक ९.४२ प्रतिशत गुमाएका छन् । त्यसैगरी, मिड सोलु हाइड्रोपावर ६.८८, मोलुङ हाइड्रोपावर ६.४७, थ्रीस्टार हाइड्रोपावर ६ं१४, पिपुल्स हाइड्रोपावर र साधन लघुवित्तको सेयर मूल्य साढे ५ प्रतिशतले घटेको छ ।
