काठमाडौं । प्रभु बैंकले गत आर्थिक वर्ष २०७९/८० को मुनाफाबाट सेयरधनीलाई लाभांश वितरण नगर्ने भएको छ ।
बैंक संचालक समितिको माघ ८ गते बसेको बैठकले गत आर्थिक वर्षको मुनाफाबाट लाभांश वितरण नगर्ने निर्णय गरेको हो।
त्यस्तै, बैठकले गत वर्षको वित्तीय विवरण स्वीकृतिका लागि नेपाल राष्ट्र बैंक पठाउने निर्णय गरेको छ । राष्ट्र बैंकको स्वीकृतिपछि बैंकले साधरण सभा बोलाउने छ ।
यसअघि कुमारी, एनएमबी, प्राइम कमर्शियल, नेपाल बैंकले पनि गत वर्षको नाफाबाट लाभांश नदिने घोषणा गरेका थिए ।
