काठमाडौं । नेपाल आयल निगमले पेट्रोल, डिजेल र मट्टितेलको मूल्य घटाएको छ । सोमबार राति १२ बजेदेखि लागू हुने गरी निगमले पेट्रोल, डिजेल र मट्टितेलको मूल्य प्रतिलिटर १ रुपैयाँले घटाएको हो ।
इन्डियन आयल कर्पोरेशनबाट सोमबार प्राप्त नयाँ खरिद मूल्यअनुसार पेट्रोल प्रतिलिटर १.२६ रुपैयाँ २६, डिजेल प्रतिलिटर ८३ पैसाले घटेर आएकाले सोही अनुसार मूल्य समायोजन गरिएको निगले जनाएको छ ।
निगमका अनुसार चारआली, विराटनगर, जनकपुर, अमलेखगञ्ज, भलवारी, नेपालगञ्ज, धनगढी र वीरगञ्जका लागि पेट्रोलको मूल्य प्रतिलिटर १६.५० रुपैयाँ, डिजल र मट्टितेल १४३.५० पैसा कायम भएको छ ।
त्यस्तै, सुर्खेत र दाङका लागि पेट्रोल प्रतिलिटर रु १६५, डिजल र मट्टितेल प्रतिलिटर १५५ रुपैयाँ कायम भएका भएको छ ।
काठमाडौँ, पोखरा र दीपायलका लागि पेट्रोल प्रतिलिटर १६६ रुपैयाँ, डिजल र मट्टितेल १५६ रुपैयाँ कायम भएको निगमले जनाएको छ ।
