काठमाडौं । निजी क्षेत्रको हेलिकप्टर सेवाप्रदायक सिम्रिक एयरले एकैपटक दुईवटा हेलिकम्पटर ल्याउने भएको छ ।
सिम्रिकले नेपालमै पहिलोपटक बेल ५०५ जेट रेन्टर एक्स सिरिजका दुई हेलिकप्टर ल्याउने भएको छ।कम्पनीका अनुसार जनवरीको अन्तिमसम्म हेलिकप्टर नेपाल आउने छन्।
अमेरिकन/क्यानेडियन कम्पनीको उत्पादन बेलको नयाँ सिरिजको हेलकप्टर सिम्रिकले ल्याउने तयारी गरेको छ।
हाल पाँचवटा हेलिकप्टर भएको सिम्रिकसँग अहिले चारवटा एयरबसका हेलिकप्टर छन् भने एउटा बेलकै छ। नयाँ दुई आएपछि सात पुग्ने छन्।
नयाँ आउने हेलिकप्टर उच्च हिमाली क्षेत्रमा उड्न अझ सहज हुने र मेडिकल रेस्क्युका लागि पनि अनुकुल हुने कम्पनीको विश्वास छ।
