काठमाडौं । हिमालयन रि–इन्स्योरेन्सको सेयर कारोबार माथिल्लो रेन्जमा खलुको छ । आज स्पेशल प्रि सेसनमा कम्पनीको सेयर करोबार प्रतिकित्ता ३०९.२० रुपैयाँमा खुलेको हो ।
नेप्सेले कम्पनीको सेयर कारोबारका लागि न्यूनतम १०३.०७ रुपैयाँदेखि ३०९.२१ रुपैयाँँ ओपनिङ्ग रेन्ज तोकेको थियो । कारोबार खुल्ने बित्तिकै कम्पनीको सेयर मूल्य १० प्रतिशतले बढेर ३४०.१ रुपैयाँ पुगेको छ ।
आइपीओ भरेका लगानीकर्ताले आज सेयर बेचेमा कम्तीमा १ हजार ३०० रुपैयाँ नाफा कमाउने भएका छन् । लगानीकर्ताले कम्पनीको आइपीओ प्रतिकित्ता २०६ रुपैयाँदरले भरेका थिए भने आजको दरमा बेच्दा प्रतिकित्ता १३० (कर तिरेर) फाइदा हुने भएको छ ।
लगानीकर्ताले कम्पनीको आएपीओमा कम्तीमा १० देखि अधिकतम ४० कित्तासम्म पाएका थिए । १० कित्ता बेच्नेले १३०० रुपैयाँ नाफा हुनेछ भने ४० कित्ता बेच्नेले ५२०० रुपैयाँ नाफा कमाउने छन् ।
नेपाली सेयर बजार इतिहासमै दोस्रो ठूलो आइपीओ ल्याएको कम्पनीले आइतबार नेप्सेमा संस्थापक र सर्वसाधरण गरी १० करोड कित्ता सेयर सूचीकृत गरेको थियो भने आजदेखि कारोबारमा आएको हो ।
