काठमाडौं । सेयर बजारमा उच्च अंकको गिरावट आएको छ । दिनभरमा ३३ अंकको गिरावट आएको नेप्से अन्त्यमा २६ अंकले घटेर बन्द भएको हो ।
सूचकमा गिरावट आए पनि कारोबार रकम भने उत्साहजनक नै रहेको छ । आज ५ अर्ब २४ करोड रुपैयाँ बढीको सेयर किनबेच भएको छ ।
आइतबार नेप्से परिसूचक २६.३६ अंकले घटेर २०२२.९२ विन्दुमा आइपुगेको छ । यस दिन ३०४ कम्पनीको १ करोड ५२ लाख ६८ हजार ३३९ कित्ता सेयर किनबेच भएको छ ।
कारोबारमा आएका १३ वटा उपसमूहमध्ये हाइड्रोपावर बाहेक अरु सबै उपसमूहको परिसूचक राताम्मे भएको छ । जीवन बीमा समूहको परिसूचक सर्वाधिक २.४० प्रतिशतले घटेको छ ।
आज सोनापुर सिमेन्टको सर्वाधिक कारोबार भएको छ । यसको २८ करोड रुपैयाँ बढीको सेयर किनबेच भएको छ । त्यस्तै, हाथवे इन्भेष्टमेन्ट झन्डै २० करोड र माउन्टेन इजर्नीको १५ करोड रुपैयाँ बढीको सेयर कारोबार भएको छ ।
दोहोरो अंकले घटेको बजारमा पनि आज ५ कम्पनीको सेयर मूल्यमा पोजेटिभ सर्किट लागेको छ । तेह्रथुम पावरको सेयर मूल्य ठ्याक्कै १० प्रतिशतले बढेको छ ।
त्यस्तै, नेपाल वेयरहाउजिङ, मुक्तिनाथ कृषि कम्पनी, धौलागिरि लघुवित्त र सिंगट्टी हाइड्रोपावरका सेयरधनीले पनि करिब १० प्रतिशत कमाएका छन् ।
