काठमाडौं । नेपाल धितोपत्र बोर्ड अध्यक्ष रमेशकुमार हमाल आज (पुस २० गते)देखि बिदा हुँदै छन् । २०७८ फागुनदेखि बोर्ड अध्यक्षमा नियुक्त भएका हमाल आफ्नो २२ महिने कार्यकाल सकेर शुक्रबार बिदा भएका हुन् ।
बोर्डका तत्कालीन अध्यक्ष भीष्मराज ढुंगाना सर्वोत्तम सिमेन्ट प्रकरणमा मुछिएपछि सरकारले बाँकी कार्यकालका लागि हमाललाई नियुक्त गरेको थियो ।
हमाल बोर्डको नेतृत्वमा रहँदा विवादित बने पनि पूँजी बजारको विकास र विस्तारका लागि उनले दुई झन्डै दुई दर्जन महत्वपूर्ण काम गरेका छन् ।
हमालको कार्यकालमा भएका महत्वपूर्ण कामहरूमा नेपाली सेयर बजारको इतिहासमै पहिलो पटक बुक बिल्डिङबाट सेयर जारी गर्ने, नयाँ ब्रोकर लाइसेन्स वितरण, सी-आस्वा शुल्क घटाउने, वैदेशिक रोजगारीमा रहेका नेपालीलाई आइपीओमा आरक्षण, नयाँ स्टक एक्सचेन्जको लाइसेन्स प्रक्रिया लगायत रहेका छन् ।
त्यस्तै, उनले सार्वजनिक गरेको कार्य विवरण अनुसार मर्जरपछि सेयर कारोबार बन्दहुने व्यवस्थामा परिवर्तन, म्युचुअल फण्डलाई आइपीओमा ६ महिनाको लकिङ, स्टार्टअप र साना तथा मझौला व्यवसायीलाई सहयोग गर्न ३१ अर्ब रुपैयाँ बराबरको प्राइभेट इक्युटीरभेञ्चर क्याटिल कोष खडा लगायत रहेका छन् ।
यस्ता छन् हमालले आफ्नो कार्यकालमा गरेका कामहरू
