काठमाडौं । रिलायन्स स्पिलिङ मिल्स लिमिटेडले बुक बिल्डिङ विधिबाट प्राथमिक साधरण सेयर (आइपीओ) निष्काशनको अनुमति पाएको छ ।
नेपाल धितोपत्र बोर्डले कम्पनीलाई पहिलो चरणमा संस्थागत लगानीकर्तालाई आइपीओ बिक्रीको अनुमति दिएको हो । कम्पनीले संस्थागत लगानीकर्तालाई ७ लाख ७० हजार ६४० कित्ता सेयर बिक्री गर्न अनुमति पाएको छ ।
कम्पनीको प्रतिकित्ता ६०८ रुपैयाँदेखि ९१२ रुपैयाँसम्ममा आइपीओ बिक्रीको अनुमति पाएको हो । अब यही मूल्यको बीचमा रहेर संस्थागत लगानीकर्ताले बोलकबोल पेश गर्न सक्नेछन् ।
कम्पनीको सेयर निष्काशन तथा बिक्री प्रबन्धक ग्लोबल आइएमई क्यापिटल रहेको छ । बुकबिल्डिङ विधिबाट आइपीओ बिक्रीको अनुमति पाउने रिलायन्स दोस्रो कम्पनी हो । यसअघि सर्वोत्तम सिमेन्टले पहिलो पटक बुकबिल्डङ विधिबाट आइपीओ बिक्रीको अनुमति पाएको थियो ।
