काठमाडौं । हिमालयन रि-इन्स्योरेन्सको प्राथमिक साधरण सेयर (आइपीओ) सेयरधनीको डिम्याट खातामा जम्मा भएको छ ।
गत पुस ११ गते आइपीओ बाँडफाँट गरेको कम्पनीले एक सातामै सेयर डिम्याट खातामा पठाएको हो । कम्पनीको सेयर ‘HRL’ संकेत चिह्नमा डिम्याटमा आएको हो ।
सेयर डिम्याट खातामा पठाएसँगै नेप्सेमा सूचीकरण प्रक्रिया अघि बढाइएको कम्पनीले जनाएको छ । नेप्सेमा सूचीकृत भएको भोलिपल्टदेखि कम्पनीको सेयर दोस्रो बजारमा कारोबारमा आउने छ ।
कम्पनीले मंसिर २७ गतेदेखि पुस २ गतेसम्म प्रतिकित्ता २०६ रुपैयाँ (प्रतिकित्ता १०६ रुपैयाँ प्रिमियम थपेर)दरले २ करोड ४९ लाख कित्ता सेयर बिक्रीमा ल्याएको थियो । जसमा १५ लाख ६४ हजार ५६४ जनाले न्यूनतम १० देखि ४० कित्तासम्म सेयर पाएका थिए ।
