काठमाडौं । भौतिक पूर्वाधार तथा यातायातमन्त्री प्रकाश ज्वालाको गाडीमा आगजनी भएको छ ।
रोजगार अनुमति प्रणाली (ईपीएस) परीक्षाको विषयलाई लिएर प्रदर्शनमा उत्रिएका युवाहरुले ललितपुरको बालकुमारीमा मन्त्रीको गाडीमा आगो लगाएका हुन् ।
प्रदर्शनकारीले सडक अवरुद्ध गरी मन्त्री ज्वालाको बा २ झ ५८६१ नम्बरको गाडीमा आगजनी गरेका हुन् । एकीकृत समाजवादीका उपमहासचिव समेत रहेका ज्वाला पार्टीको केन्द्रीय समिति बैठक जान हिँडेका थिए ।
ईपीएसको कोरियन भाषामा सिप बिल्डिङमा आवेदन दिएका युवा उत्पादनमूलक क्षेत्रमा फाराम भर्न पाउनुपर्ने माग गर्दै आन्दोलनमा उत्रिएका हुन् । प्रदर्शनकारी युवाले अहिले पनि सडक अवरुद्ध गरिरहेका छन् ।
