काठमाडौं । नेपाल स्टक एक्सचेन्ज (नेप्से)मा सूचीकृत थप ३ कम्पनीले लाभांश घोषणा गरेका छन् ।
बिहीबार हाइड्रोइलेक्ट्रीसिटी इन्भेष्टमेन्ट एण्ड डेभलपमेन्ट कम्पनी लिमिटेड (एचआइडीसीएल), गरिमा विकास बैंक र सिक्लेस हाइड्रोपावरले गत आर्थिक वर्ष २०७९/८० को मुनाफाबाट लाभांश घोषणा गरेका हुन् ।
तीनै कम्पनी संचालक समितिको मंसिर पुस ४ गते बसेको बैठकले गत वर्षको नाफाबाट लाभांश घोषणा गरेका हुन् । एचआइडीसीएलले गत वर्षको नाफबाट करसहित ५.२६ प्रतिशत नगद लाभांश दिने घोषणा गरेको हो ।
त्यसैगरी, गरिमा विकास बैंकले ९.५० प्रतिशत बोनस सेयर र कर प्रयोजनार्थ ०.५० प्रतिशत नगद गरी कुल १० प्रतिशत लाभांश प्रस्ताव गरेको छ ।
त्यस्तै, सिक्लेस हाइड्रोपावरले सेयरधनीलाई करसहित ६ प्रतिशत नगदलाभांश दिने घोषणा गरेको छ ।
तीनै कम्पनीको प्रस्तावित लाभांश सम्बन्धित संस्थाको वार्षिक साधरण सभाबाट पारित भएपछि सेयरधनीले पाउने छन् ।
