काठमाडौं । सोल्टी होटलले गत आर्थिक वर्ष २०७९/८० को मुनाफाबाट घोषणा गरेको लाभांश पारित गर्न साधरण सभा बोलाएको छ ।
कम्पनीले पुस २६ गते ४९ औं वार्षिक साधरण सभा बोलाएको हो । होटलको सभा नेपाल प्रज्ञा प्रतिष्ठान कमलादी, काठमाडौंमा बिहान १०ः३० बजे सुरु हुनेछ ।
होटलले सभामा गत वर्षको नाफाबाट घोषणा गरेको ५ प्रतिशत बोनस सेयर र करसहित २६.५७८ प्रतिशत नगद गरी कुल ३१.५७८ लाभांश पारित गर्ने प्रस्ताव मुख्य एजेन्डाको रुपमा लैजाने भएको छ । प्रस्तावित लाभांश सो सभाले पारित गरेपछि सेयरधनीले पाउने छन् ।
होटलले साधरण सभा तथा लाभांश प्रयोजनका लागि पुस ५ गते बुकक्लोज मिति तोकेको छ । सो अनुसार पुस ४ गतेसम्म कायम सेयरधनीले मात्र लाभांश पाउने छन् ।
