काठमाडौं । सेयर बजारले ओरालो यात्रा कायमै राखेको छ । गत सोमबारदेखि ओरालो लागेको नेप्से आज लगातार सातौं दिन घटेको हो । गत आइतबार एकैदिन ४७ अंकले बढेको नेप्से त्यस यताका ७ दिनमा लगातार ६९ अंकले घटेको छ ।
मंगलबार नेप्से परिसूचक १०.१० अंकले घटेर १८३७.७१ विन्दुमा आइपुगेको छ । यसदिन २९२ कम्पनीको १ अर्ब ५४ करोड रुपैयाँ बढीको ४६ लाख ९८ हजार ६८२ कित्ता सेयर किनबेच भएको छ । आज जम्मा ६२ कम्पनीको सेयर मूल्य बढेको छ भने १६१ को घटेको छ ।
आज कारोबारमा आएका १३ उपसमूहमध्ये जीवन बीमा बाहेक अरु सबैको परिसूचक राताम्मे भएको छ । उत्पादनमूलक समूह सबैभन्दा धेरै २.५२ प्रतिशतले घटेको छ ।
आज माउन्टेन इनर्जीको सेयर सर्वाधिक कारोबार भएको छ । यसको साढे ३६ करोड रुपैयाँ बढीको सेयर किनबेच भएको छ ।
घट्दो बजारमा आज विशाल बजार कम्पनीका लगानीकर्ताले सर्वाधिक ९.५३ प्रतिशत गुमाएका छन् भने सिंगट्टी हाइड्रोपावरका सेयरधनीले १० प्रतिशत कमाएका छन् ।
