काठमाडौं । ट्राफिक प्रहरीले भोलि (मंसिर ७ गते) काठमाडौं उपत्यकामा सवारी आवगमनमा असहता हुनसक्ने आँकलन गरेको छ ।
विभिन्न समूहद्धारा उपत्यकाका विभिन्न ठाउँमा विरोध प्रदर्शन, जुलुस गर्ने कार्यक्रम भएकाले सवारी आवगमनमा अवरोध आउन सक्ने जानकारी गराएको हो ।
काठमाडौं उपत्यका ट्राफिक प्रहरीले एक सूचना जारी गर्दै घरबाट निस्किनुअघि ट्राफिक प्रहरीसँग सम्पर्क गरेर सडकको अवस्था जानकारी लिएर मात्र निस्किन आग्रह गरेको छ ।
ट्राफिक प्रहरीले भोलि अत्यावश्यक कामबाहेक सवारी लिएर ननिस्किन अनुरोध समेत गरेको छ । त्यस्तै, ट्राफिक व्यवस्थापनका लागि प्रहरीले जुनसुकै ठाउँबाट पनि सवारी डाइभर्सन गर्न सक्ने ट्राफिक प्रहरी जनाएको छ ।
भोलि एमाले निकट भातृ संगठन युवा संघ नेपालले काठमाडौंको तीनकुने र दुर्गा प्रसाईँ समूहले बल्खुमा प्रदर्शन गर्दैछन् ।
