काठमाडौं । सेयर बजारमा दोहोरो अंकको सुधार आएको छ । बुधबार एकैदिन २३ अंकले घटेको नेप्से आज २० अंकले बढेको हो ।
सूचकसँगै आज कारोबार रकममा पनि सुधार आएको छ । अघिल्लो दिनको तुलनामा कारोबार रकम १३ करोडले बढेर १ अर्ब ८ करोड रुपैयाँ पुगेको छ ।
बुधबार नेप्से परिसूचक २०.६७ अंकले बढेर १८५०.३३ विन्दुमा पुगेको छ । यसदिन २९४ कम्पनीको ४२ लाख १३ हजार २८५ कित्ता सेयर किनबेच भएको छ ।
कारोबारमा आएका १३ वटा उपसमूहमध्ये सामूहिक लगानी कोष बाहेक अरु सबै उपसमूहको परिसूचक बढेको छ । होटल उपसमूहको परिसूचक सबैभन्दा धेरै ३.४९ प्रतिशतले बढेको छ । आज कारोबारमा आएका मध्ये १९५ कम्पनीको मूल्य बढेको छ भने ४० कम्पनीको घटेको छ ।
आज सोनापुर सिमेन्टको सर्वाधिक किनबेच भएको छ । यसको पौने ११ करोड रुपैयाँको कारोबार भएको छ ।
दोहोरा अंकले बढेको बजारमा आज ३ कम्पनीको सेयर मूल्यमा पोजेटिभ सर्किट लागेको छ । बुद्धभूमि नेपालको सेयर मूल्य ठ्याक्कै १० प्रतिशतले बढेको छ भने पञ्चकन्या माइ र माथिल्लो मैलुङ खोलाका सेयरधनीले पनि करिब १० प्रतिशत कमाएका छन् ।
सयपत्री हाइड्रोपावरका सेयरधनीले सर्वाधिक ८.१५ प्रतिशत गुमाएका छन् ।
