काठमाडौं । एनआइसी एशिया र एभरेष्ट बैंकको सेयर मूल्य समायोजन भएको छ । दुवै बैंकले लाभांश प्रयोजनार्थ बुकक्लोज गरेसँगै नेप्सेले सेयर मूल्य समायोजन गरी नयाँ मूल्य निर्धारण गरेको हो।
एनआइसीले गत आव २०७९/८० को नाफाबाट वितरण गर्ने २९ प्रतिशत बोनस सेयरका आधारमा नेप्सेले सेयर मूल्य समायोजन गरेको हो । नेप्सेका अनुसार समायोजनपछि एनआइसीको नयाँ सेयर मूल्य ५९०.३१ रुपैयाँ कायम भएको छ ।
त्यसैगरी, एभरेष्टको गत वर्षको नाफाबाट वितरण गर्ने १० प्रतिशत बोनस सेयरका आधारमा मूल्य समायोजन भएको हो । समायोजनपछि एभरेष्टको नयाँ मूल्य ५१४.५५ रुपैयाँ कायम भएको छ ।
अब यही समायोजित मूल्यका आधारमा मंगलबार दुवै बैंकको दोस्रो बजारमा सेयर कारोबार खुल्ने छ।
