काठमाडौं । आज काठमाडौंका विभिन्न भित्री सडकमा सवारीसाधन चलाउन नपाइने भएको छ ।
इन्द्र जात्रा अन्तर्गत मनाइने जात्राका कारण मानिसको भीड हुने भएकाले काठमाडौं महानगरपालिकाले विभिन्न सडकमा सवारी साधन चलाउन रोक लगाएको हो ।
इन्द्रजात्रा वसन्तपुर केन्द्रित सांस्कृतिक, ऐतिहासिक, पुरातात्त्विक महत्वको पर्व भएका कारण सवारी साधन प्रवेशमा रोक लगाइएको महानगरपालिकाले जनाएको छ ।
महानगरका अनुसार आज वसन्तपुर, प्याफल, यट्खा, नरदेवी, किलाघ, भेडासिं, इन्द्रचोक, मखन हुँदै वसन्तपुर क्षेत्रमा सवारी निषेध गरिएको छ ।
