काठमाडौं । नेपाल राष्ट्र बैंकले मोहर डिजिटल प्रालिको अनुमतिपत्र (लाइसेन्स) खारेज गरिदिएको छ । कानुन विपरीत कार्य गरेको भन्दै नेपाल राष्ट्र बैंकले मोहर डिजिटलको लाइसेन्स खारेज गरेको हो ।
राष्ट्र बैंक, भुक्तानी प्रणाली विभागका अनुसार मोहर डिजीटलले भुक्तानी तथा फस्र्यौट ऐन, २०७५ को दफ ३६ को खण्ड (छ) र (ज) बमोजिमको कसूर गरेकाले लाइसेन्स खारेज भएको हो ।
उक्त संस्थाले जारी गरेका भुक्तानी उपकरणहरुको प्रयोग गर्ने ग्राहकसँगको कुनै दायित्व बाँकी रहे सम्बन्धित संस्थामा सम्पर्क गर्न राष्ट्र बैंकले अनुरोध गरेको छ ।
