काठमाडौं । माछापुच्छ्रे बैंककाे गत आर्थिक वर्ष २०७९/८० को मुनाफाबाट घोषणा गरेको लाभांश सुरक्षित गर्ने आज अन्तिम दिन रहेको छ ।
बैंकले साधरण सभा तथा लाभांश प्रयोजनाका लागि भोलि (असोज ८ गते) बुकक्लाेज तोकेको छ । सो अनुसार आजसम्म कायम रहने सेयरधनीले मात्र बैंकको लाभांश पाउने छन् ।
बैंकले गत वर्षको नाफाबाट कुल १४ प्रतिशत (१३.३% बोनस सेयर र कर तिर्न ०.७५% नगद) लाभांश घोषणा गरेको छ । प्रस्तावित लाभांश बैंकको आगामी साधरण सभाले पारित गरेपछि सेयरधनीले पाउने छन् ।
बैंकले उक्त लाभांश पारित गर्न असोज १८ गते २५ औं वार्षिक साधरण सभा बोलाएको छ। बैंकको सभा होटल पोखरा ग्राण्ड, पार्दी, पोखरामा बिहान ११ बजे सुरु हुनेछ ।
हाल १० अर्ब २५ करोड रुपैयाँ चुक्ता पूँजी रहेको बैंकको बोनस वितरणपछि ११ अर्ब ६१ करोड रुपैयाँ पुग्नेछ ।
